Гасцям – аб гістарычнай спадчыне Дзятлаўшчыны
04.07.2024
У Дзень Незалежнасці Рэспублікі Беларусь гасцям з горада-пабраціма Абаянь Расійскай Федэрацыі прапанавалі пазнаёміцца са старонкамі гісторыі і сучаснасці нашага краю.
Разам з кіраўніцтвам раёна на чале з Андрэем Садоўскім яны наведалі вядомы на ўсю Беларусь унікальны школьны музей “Дзеці ліхалецця”, пазнаёміліся з работай і дасягненнямі Новаяльнянскай сярэдняй школы. У Дзятлаве госці завіталі ў праваслаўны і каталіцкі храмы, прайшлі маршрутам памяці аб Вялікай Айчыннай вайне разам з экскурсаводам Аленай Абрамчык, усклалі кветкі да памятнага знака “Дзеці ліхалецця” і пастамента Іосіфа Філідовіча, які паўтарыў подзвіг Івана Сусаніна.
